Profesor Ledjan Malaj

Profesor Ledjan Malaj është përgjegjës i lëndës së Teknologjisë Farmaceutike pranë Universitetit të Mjekësisë, Tiranë, Departamenti i Farmacisë.
Aktualisht ai mban pozicionin e Drejtuesit të këtij Departamenti dhe më parë ka mbajtur pozicionin e Zv/Dekanit të Fakultetit të Farmacisë dhe drejtues i departamentit të Teknologjisë Farmaceutike dhe Biofarmacisë.
Pedagog i brendshëm që nga viti akademik 2001-2002, me kontribut të qenësishëm në nivel akademik dhe profesional në sektorin dhe shërbimin farmaceutik në Republikën e Shqipërisë, Republikën e Kosovës dhe Republikën e Maqedonisë së Veriut,
Profesor Ledjan Malaj i përket brezit që në fillim të shekullit XXI zgjodhi të kthehej në Shqipëri për të dhënë kontribut në ndryshimet e mëdha sistemike në vend, por dhe në rajon.
Sot ai është një ndër figurat më të spikatura të Teknologjisë Farmaceutike në Evropën Juglindore, duke shtrirë bashkëpunimet në shumë vende të BE-së.
Profesor Ledjan Malaj ka zhvilluar studimet në Universitetin e Camerino-s, ku është diplomuar “Dottore in Farmacia” con lode, e më pas ka mbrojtur titullin Doktor Shkencash në Teknologji Farmaceutike me vlerësimin maksimal. Ai ka zhvilluar periudha shkëmbimi si student doktorature në Universitetin e Lille II në Francë, e vazhdon ende të jetë i angazhuar në programe shkëmbimi si Visiting Profesor në universitetet e vendeve të BE-së.

Profesor Ledjan Malaj është Auditor Klinik i certifikuar nga Ministria e Shëndetësisë dhe Mbrojtjes Sociale, Ekspert i Vlerësimit të Cilësisë për Ministrinë e Arsimit, si dhe pjesëmarrës aktiv në komisionet e posaçme të Urdhrit të Farmacistëve.

Libra të publikuar:

Pharmaceutical Technology 1 [2021 – 2022] Textbook for pharmacy students (University of Medicine, Tirana)
Pharmaceutical Technology 2 [2021 – 2022] Textbook for pharmacy students (University of Medicine, Tirana)

Receptura Magjistrale dhe Galenike [ 2016 ] Prishtine 2016 (Botim i dytë). ISBN 978-9951-426-46-6

Manual i Përgatitjeve Galenike [2016] Tiranë 2016. ISBN 978-9928-134-82-0

Receptura Magjistrale dhe Galenike [2007] Prishtinë 2007

Prof Ledjan Malaj është autor dhe bashkëautor i dhjetëra publikimeve ndërkombëtare, si dhe ka mbështetur thirrjen e konferencave të shumta rajonale dhe vendore.